ياسين العياري يتحدث عن النخبة الأمنية والعسكرية في دولة الموزمبيق الشقيقة وآل بوتو الكرام

ياسين العياري يتحدث عن النخبة الأمنية والعسكرية في دولة الموزمبيق الشقيقة وآل بوتو الكرام

يقول ياسين:
سأتكلم في موضوع ما حدث و يحدث في عسكر دولة الموزمبيق الشقيق.
تحبو تفهمو علاش إذاعات الطرابلسي بوتو اف ام في الموزمبيق أعلنت الإستقالة متع رئيس أركان الموزمبيق و تراجعت عليها ثم أعلنتها؟
إش صار في هاك الساعتين في الموزمبيق : إنتوما زادة قلتو تو هاذي دولة؟؟
هيا سيدي،
وزير الدفاع الموزمبيقي دبرو عليه، لعب حمرة كحلة خوفا من أنه الدعم الشعبي يثني الحامدي بوتو (موش المرزوقي بوتو، رئيس الموزمبيق ) على الإستقالة.
الإذاعات أعلنو إستقالته و في نفس الوقت، عملولو في الوزارة بكل بساطة ديغاج إداري : خلي المفاتح و رجع البيرو و برة روح تو!
إي، هكة تصير الأمور في الموزمبيق : حطان قدام الأمر الواقع!
يعرفوه منضبط، موش فلام كي رشيد زمار بوتو (جنرال سابق خامج في الموزمبيق الشقيق) و ماهوش بش يتكلم و بش يفلم و يحكي على الولية في نسمة بوتو.
صارت محاولة للتصدي للإنقلاب، ياخي موزمبيق 7 أعلنت إنه ما إستقالش، باش في الإخر، يخرج الجنرال و يخلي المفاتح، للفارسي بوتو (جنرال في الموزمبيق هذا زادة)
شنية المشكلة مع الفارسي بوتو..
كان ملحق عسكري في طنزانيا، على الحدود الغربية للموزمبيق.
ومشدود بفضائح أخلاقية، بالبروفة و إبتزازه ساهل و خيوطه مع طنزانيا..”معقدة”
كان إسترجل المرزوقي بوتو (رئيس الموزمبيق) و حطلهم مستورة بوتو، مكانش هانو كيما في حالة الأمن العسكري : النائب المؤقت يولي دائم و عرضلهم في الدورة بوتو (دورة في الموزمبيق هاذي)
في وزارة داخلية الموزمبيق، الأمور موش خير : صفر بوتو قالب الدنيا.
لسعد دربوز بوتو مستشار امني متع رئيس حكومة الموزمبيق ينسق مع مهدوش بوتو و يبعثو مدير أمن إقليم تونس بوتو (عاصمة الموزمبيق) سي راشد محجوب بوتو .. لسوريا : الهدف فبركة أدلة على تورط حزب التكتيك و الحنكة الموزمبيقية في الإرهاب...
في وزارة الداخلية زادة، ضغط رهيب باش المختصة و الفنية يوليو إدارة وحدة، يتعزل موديريهم و يتعين حسان بن خالد بوتو.
هذا مدير مطرد من الداخلية متع الموزمبيق، طردوه لتورطه في إخفاء و إتلاف و تسريب ملفات من الوزارة..
هذا الكل في موزمبيق و طنزانيا.
و شعب الموزمبيق راقد على وذنيه، و أحزاب الموزمبيق : إلي فاهم و مقدم روحو حمدين صباحي، و الي ما يحبش يصدق و يتكتك.
نكمل نحكيلكم على خو مهدوش بوتو إلي عامل وزارة خارجية موازية؟
و تحيا الرياضة على قناة 21 بوتو.
تنبيه هام : أي تشابه في الأسماء هو من وحي الصدفة...